Rreth Nesh

Edukimi në TES është një ndërthurje e kurrikulave të plotësuara dhe të integruara me metodologjinë bashkëkohore dhe interaktive.Përbëhet nga një staf me një përvojë të gjatë në fushën e arsimimit. Stafi përbëhet nga mësues të specializuar dhe me eksperiencë në Gjuhë komunikim, shkencë, arte, edukim fizik

TES, synon që të reflektojë në të gjithë komponentët e saj parimet dhe vlerat më të mira që udhëheqin shoqërinë, si dhe të shfrytëzojë eksperiencën në edukim për të ndërtuar themele të forta për edukimin e ardhshëm të fëmijëve.

Kurrikula siguron kushtet e nevojshme që nxënësit të ndërtojnë njohuri të reja dhe kompetenca, qëndrime dhe vlera, të zbatueshme në situata dhe kontekste të ndryshme, arsimore ose jetësore.

Në AMU,

Qëllimi është ofrimi i edukimit të plotë dhe të integruar, duke i dhënë edukimit kuptimin e tij të vërtetë, jo thjesht shkollimi. Edukimi në TES do jetë një proces i ekuilibruar në të gjitha dimensionet, duke kombinuar edukimin intelektual, fizik, qytetar dhe emocional. Nxënësit që synojmë të edukojmë janë ata që do të kenë aftësinë të përballojnë kërkesat në punë, lodhjen fizike, trysninë e mjedisit dhe emocionet në të njëjtën kohë.

PLANI MËSIMOR KLASA 1 – 9
KURRIKULA BËRTHAMË		KL 1	KL 2	KL 3	KL 4	KL 5	KL 6	KL 7	KL 8	KL 9
GJUHËT DHE KOMUNIKIMI	GJUHË SHQIPE	8	8	6	5	5	5	5	5	5
	GJUHË E HUAJ E PARË ( Anglisht )	3	3	3	3	3	3	3	3	3
	GJUHË E HUAJ E DYTË ( Gjermanisht )						2	2	2	2
MATEMATIKË		4	4	4	4	4	4	4	4	4
SHKENCAT ENATYRËS	DITURI NATYRE	1	1	1	2	2
	FIZIKË						1	2	2	2
	KIMI								2	2
	BIOLOGJI						1	2	2	2
SHOQËRIA DHE MJEDISI	EDUKIM PËR SHOQËRINË	1	1
	QYTETARI			1	1	1	1	1	1	1
	HISTORI				1	1	1	2	2	2
	GJEOGRAFI						1	2	2	2
ARTE	MUZIKË	1	1	1	1	1	1	1	1	1
	ART PAMOR	1	1	1	1	1	1	1	1	1
	KËRCIM		0.5	1
	TEATËR					0.5	1
EDUKIMI FIZIK, SPORTE DHE SHËNDETI		3	3	3	3	3	3	3	3	3
TEKNOLOGJI DHE TIK	TIK				1	1	1	1	1	1
TEKNOLOGJI DHE TIK	AFTËSIM TEKNOLOGJIK				1	1	1
KURRIKULA ME BAZË SHKOLLE/ ZGJEDHJE
KURRIKUL ME BAZË SHKOLLE/ZGJEDHJE	GJUHË E HUAJ GJERMANE					2
	TIK	1	1	1
	MATH ( Cambridge )	1	1	1	1	1	1	1	1	1
	SCIENCE ( Cambridge )	1	1	1	1	1	1	1	1	1

Historiku

Data 17 shtator 2018 është dita që shënon fillimin e rrugëtimit të shkollës Tomorrow’s Education System (TES), me qëllim kontributin për një të ardhme më të mirë.

TES është pjesë e kompanisë Green Education Albania (GEA), e specializuar në veprimtarinë e saj në fushën e edukimit. Shkolla TES ofron shërbim arsimor nga parashkollori deri në klasën e 12-të, me një kapacitet prej 1100 nxënësish. Ajo ka një godinë me arkitekturë moderne dhe ambiente komode, e cila siguron që nxënësit të zhvillojnë një jetë shkollore në shërbim të interesave të tyre.

TES realizon veprimtarinë e saj në një sipërfaqe prej 9000 m², që përfshin klasat mësimore, ambientet ndihmëse si laboratorë, palestra, sallë aerobie, bibliotekë etj., si dhe ambiente të jashtme relaksi. Kjo infrastrukturë ndihmon nxënësit në përvetësimin e dijeve dhe në nxitjen e prirjeve të tyre të veçanta.

Mjediset karakterizohen nga standarde të larta, cilësi dhe siguri maksimale për mbarëvajtjen e procesit mësimor-edukativ. Ambientet mësimore janë komode dhe të pajisura me mjete didaktike të plota. Sallat sportive, të argëtimit dhe të shërbimeve janë funksionale dhe të pajisura me të gjithë aksesorët e nevojshëm.

Ideimi dhe realizimi i projektit për ngritjen e kësaj shkolle kanë kaluar nëpërmjet një diskutimi dhe angazhimi mes profesionistëve të fushave të ndryshme, si dhe anëtarëve të komunitetit që ishin në kërkim të një projekti të ri. Interesi i prindërve për të edukuar fëmijët në TES ka ardhur duke u rritur.

Veprimtaria e saj filloi në vitin shkollor 2018–2019 me 50 nxënës, ndërsa në vitin shkollor 2022–2023 mësimet i ndjekin 470 nxënës.

Vizioni

Vizioni që shohim është gjenerata e ardhshme e individëve “të plotësuar në të gjitha dimensionet”, që besojnë dhe përpiqen të përmbushin misionin e tyre si qytetarë aktivë, zhvillues dhe përmirësues përmes punës.

Shohim profesionistë që zotërojnë aftësitë më të mira në fushën e tyre dhe që janë në gjendje të aplikojnë dijen e përvetësuar. Shohim sipërmarrës me vetëbesimin për të marrë përsipër përgjegjësitë, me durimin për të përballuar sfidat dhe me maturinë për të mbajtur peshën e vendimmarrjes.

Shohim drejtues që rregullojnë marrëdhëniet shoqërore, formësojnë familje e komunitete dhe janë të ndërgjegjshëm për rolin e tyre në shoqëri. Shohim gjithashtu sipërmarrës të orientuar drejt qëllimit, sfidues të realiteteve dhe kreativë për të projektuar të ardhmen, të mbështetur në parime të forta dhe mbartës të vlerave të larta.

Organigrama

TES

ORGANIZMAT E SHKOLLËS

TES - Tomorrow’s Education System

GEA

DREJTORIA

SHËRBIMET MBËSHTETËSE

SEKRETARIA

PSIKOLOGU

MJEKU

OFICERI I SIGURISË

STAFI I KUZHINËS

HIGJIENA

KËSHILLI I MËSUESVE

KOMISIONET SHKOLLORE

KOMISIONI I DISIPLINËS

KOMISIONET LËNDORE

KOMISIONI I ETIKË-SJELLJES

KOMISIONI ANTI-BULLIZËM

KOMISIONI PSIKO-SOCIAL

KOMISIONI I SHËNDETIT DHE SIGURISË

KOMISIONI I KËSHILLIMIT TË KARRIERËS

KOMISIONI I NXËNËSVE ME AFTËSI TË KUFIZUAR

PRINDI / NXËNËSI

KËSHILLI I PRINDËRVE

BORDI I PRINDËRVE

QEVERIA E NXËNËSVE

Informacion për prindërit

Politikat e Privatësisë

Shkolla jo publike “Tomorrow`s Education System” ka faqen e saj zyrtare www. tes.al. Me anë të faqes zyrtare, transmeton dhe mbledh informacione.

Nëpërmjet faqes zyrtare, Shkolla jopublike “Tomorrow`s Education System” publikon dhe mbledh informacione. Prezanton institucionin, shërbimet që ofron, ofertat, promocionet të ndryshme, njoftime, novacione etj. Ne jemi të angazhuar në zbatimin e kuadrit ligjor dhe nënligjor në mbrojtje dhe respektim në mbrojtjen e privatësisë dhe të të dhënave personale . Ne mbledhim informacione të cilat kanë të bëjnë me klikimet e rubrikave në këtë faqe. Ky informacion mblidhet për qëllime statistikore dhe studimi pa bërë identifikimin e të dhënave personale të vizitorëve. Ne nuk bëjmë asnjë përpjekje për të gjetur identitetin e vizitorëve që kanë vizituar faqen tonë të internetit. Shkolla “Tomorrow`s Education System” nuk përdorë, lejon ndonjë palë të tretë për të mbledhur informacione personale që i bëjnë të identifikueshëm vizitorët e faqes tonë zyrtare. Ne nuk lidhim asnjë të dhënë të grumbulluar nga kjo faqe me ndonjë të dhënë personale që e bën vizitorin të identifikueshëm nga çdo burim që të vijë, si pjesë e përdorimit tonë. Në rastet kur duam të mbledhim informacione të identifikueshme, ne ju informojmë për arsyen e mbledhjes së informacionit dhe vendin e përdorimit.