Edukimi në TES është një ndërthurje e kurrikulave të plotësuara dhe të integruara me metodologjinë bashkëkohore dhe interaktive. Gjimnazi zbaton programet e miratuara nga MAS dhe ofron programe të avancuara që i përshtaten kërkesave të edukimit të kohës.

Në lëndët shkencore zhvillohen orë shtesë për nxënësit e talentuar, të cilat ndihmojnë në përgatitjen e tyre për olimpiada kombëtare dhe ndërkombëtare.

Arsimi i mesëm i lartë bazohet në përvetësimin e dijeve, zhvillimin e njohurive, shkathtësive, qëndrimeve dhe vlerave, duke i përgatitur të rinjtë për jetë aktive qytetare, për tregun e punës dhe për vazhdimin e studimeve të larta.

• Zhvillimin e vetëbesimit
• Përgatitje për marrjen e përgjegjësive personale dhe shoqërore
• Zhvillim si individë dhe si anëtarë të shoqërisë
• Përgatitje për të përballuar sfidat dhe mundësitë e jetës
• Aftësi për identifikimin e burimeve dhe qasje kritike ndaj të dhënave
• Vendimmarrje e pavarur dhe përgjegjësi për zgjedhjet personale
• Zhvillim i strategjive për planifikimin e karrierës

Edukimi pas shkolle në TES është një shërbim i diferencuar që plotëson procesin e edukimit përmes një programi që zhvillon aftësitë sociale, nxit kreativitetin, zbulon talentin dhe edukon vlera.

Ky program ndërthur studimin e mbikëqyrur nga mësuesit kujdestarë, konsultimet me mësues të lëndëve dhe pjesëmarrjen në klube të organizuara sipas fushave, të realizuara nga specialistë.